As abellas de cores

Vocabulario "O circo"

2012-03-07T09:37:00.000+01:00

Os nenos de 4 anos aprenderon que nun circo traballan moitas persoas e tamén animais. Aqui deixovos o vocabulario que estamos a traballar neste proxecto.

Entroido 2012

2012-02-29T16:37:00.000+01:00

Proxecto "O circo"

2012-02-11T22:54:00.001+01:00

Día da paz "30 de xaneiro"

2012-02-05T23:37:00.001+01:00

A paz é dar, escoitar, falar, axudar, xogar, regalar, abrazar.....

Videoconferencia coa profe "Susana"

2012-02-01T23:32:00.005+01:00

Grazas as novas tecnoloxías o xoves pasado poidemos ter unha videoconferencia coa profe Susana.Quedaron todos abraiados ,menuda sorpresa, a profe Susana en directo. Ó principio tiñan un pouco de vergonza pero despois todo foi comezar. Contáronse moitas cousas,David tamén falou con ela, aínda que non sabía que era a profe que tiñan o ano pasado seus compañeiros. Falamos de todo un pouco e mandámoslle unha morea de bicos para que vexa que non nos esquecemos dela.

Mural do inverno

2012-02-01T23:23:00.001+01:00

Neste mes de xaneiro estivemos traballando "o inverno". Aprendimos moitas cousas sobre esta estación .Ademais de poesias , cancións e refráns deste mes.Para rematar o tema fixemos un bonito mural con moitos bonecos de neve.

Cargadiños de xoguetes

2012-01-16T21:03:00.001+01:00

Os Reis Magos trouxeron moitos agasallos aos nenos/as de Noalla cos que disfrutaron e compartiron no primeiro día de volta á escola.

Nadal 2011

2011-12-28T19:04:00.000+01:00

Os nen@s do CEIP Noalla-Telleiro desexámosvos a tódalas familias unhas felices festas e que un ano 2012 veña cheo de cousas boas para todos.

Nadal 2011

2011-12-28T18:56:00.000+01:00

Proxecto" As bruxas"

2011-12-12T19:50:00.000+01:00

Xa chega o Nadal

2011-12-11T01:17:00.000+01:00

   No mes de decembro comezamos a vivir o Nadal, e para eso o que estamos facendo é decorar a nosa clase e o mural da entada con traballiños feitos polos nenos/as.

Voamos na vasoira da bruxa Pica-Pica.

2011-11-27T23:55:00.000+01:00

Para rematar o proxecto das proxecto "As bruxas",convertímonos en bruxiñas e voamos un rato coa vasoira máxica da bruxa Pica-Pica.

Mesturamos cores

2011-11-27T23:37:00.000+01:00

Fixemos un pouco de maxia coas cores e xa sabemos que se mesturamos vermello e amarelo temos a cor laranxa e se mesturamos amarelo e azul temos a cor verde.

Que ricas as améndoas!

2011-11-27T23:33:00.000+01:00

Fai uns días estivemos observando como eran as améndoas con cáscara e de paso probámolas.Por certo gustáronnos moitísimo.

O trasniño do outono

2011-11-27T23:19:00.001+01:00

Pintamos entre todos un trasniño para o mural do outono e quedounos o máis de simpático.

Cogomelos no patio

2011-11-22T12:10:00.001+01:00

Aproveitando que apareceron uns cogomelos no patio, esta semana comezamos un pequeno proxecto sobre eles.

Visitamos a biblioteca

2011-11-17T10:55:00.000+01:00

Xa temos preparados os libros para este venres levar a casa e facer un pequeno traballiño sobre o conto que levemos.

Os morcegos

2011-11-04T00:25:00.000+01:00

E para rematar a festa de Samaín fixemos unhas coroas de morcegos.

Contacontos

2011-11-04T00:22:00.002+01:00

Grazas a colaboración dunha mamá a semana pasada tivemos unha visita moi especial . A bruxa "Pica-Pica" estivo no cole de Noalla para contarnos un conto titulado " Encontro anual de bruxas".
A caracterización e a actuación da bruxa foi insuperable.

Samaín

2011-11-04T00:22:00.001+01:00

CORRE CORRE CABACIÑA

2011-10-26T16:44:00.000+02:00

Aniversario de Alex

2011-10-25T20:03:00.000+02:00

Mural do outono

2011-10-22T21:00:00.000+02:00

O noso recuncho das bruxas

2011-10-20T23:12:00.001+02:00

Xa temos exposto no recuncho das bruxas toda a información que conseguimos para o desenvolvemento do noso proxecto. Recoméndovos un libro moi simpático que trouxo David " O manual das bruxas ".

Froitos do outono.

2011-10-20T22:41:00.003+02:00

Esta semana pintamos unhas árbores para o mural do outono .Coa axuda e colaboración dos pais que decoraron froitos secos e carnosos na casa iremos montándoo .

Que ricas as madalenas !

2011-10-20T22:34:00.003+02:00

O luns desta semana trouxo Candela unas madalenas caseiras para invitar aos seus amiguiños do cole.Por certo estivéronlles boísimas.

Bombeiros,médicos,policias e piratas .

2011-10-16T16:56:00.000+02:00

Os nen@s de 4 anos descubriron o recuncho dos disfraces . Rapidamente tiñamos na clase bombeiros, médicos, policias e piratas.

Cousas do outono

2011-10-16T16:33:00.000+02:00

Aínda que o tempo non acompaña moito, xa comezamos a pintar cousas relacionadas co outono para facer o mural desta estación na nosa clase.

Carta ás familias

2011-10-10T10:36:00.001+02:00

Unha bruxa na vasoira

2011-10-10T10:26:00.001+02:00

Este xoves na aula de 4 anos pasou algo sorprendente , cando entramos pola tarde había unha vasoira e unha carta na nosa clase.A carta era para os nen@s de 4 anos , era dunha bruxiña que fai moitas trasnadas,chamase "Pica-Pica" .Limos a carta e a imaxinación dos nen@s comezou a traballar , eso si a nosa amiga bruxa é unha bruxiña boa , as malas só aparecen nos contos.

Parabéns para Brais

2011-10-06T21:11:00.000+02:00

Regamos as plantas

2011-10-02T00:08:00.000+02:00

Este venres tocoulle regar as plantas a David.Mirade que concentrado está . Non é unha tarefa nada sinxela, xa que ás veces botan máis auga por fóra que por dendro da maceta .

Clasificamos palabras

2011-10-01T23:59:00.001+02:00

Esta semana comparamos diferentes nomes, tanto nosos como da escola. Se o nome ten moitas letras ,este é longo,se ten poucas letras,entón é curto.Despois de pensar e comparar o número de letras dos nomes chegamos á seguinte conclusión :- se un nome ten cinco ou máis letras, este nome é longo e se ten cinco ou menos letras o nome é curto.

O venres regamos as plantas

2011-09-20T12:48:00.001+02:00

Este ano grazas á colaboración dos pais temos plantas na nosa clase .E como necesitan auga para vivir todo os venres o encargado da clase tamén será o encargado de regalas .O primeiro venres tocoulle a Candela.

Volta ao cole

2011-09-18T23:45:00.000+02:00

Un ano máis comezamos un novo curso cheo de novas ilusións , nova clase , novos libros , nova profe e novas cousas que descubrir , experimentar e aprender.Dámoslle a benvida a un compañeiro novo que temos na clase " David ".E desexámoslle todo o mellor a nosa profe "Susana " da que nos lembramos tódolos días .Un bico moi forte Susana .

Benvida

2011-06-28T13:47:00.001+02:00

Benvida as novas abellas de cores para o vindeiro curso 2011/2012.
As bolboretas laretas este curso serán abellas de cores ás que desexamos un bo verán e vémonos o 12 de setembro.

Aniversario de Marta G e José Enrique

2011-06-17T10:58:00.000+02:00

Visita ao xardín botánico de Lourizán.

2011-06-16T23:22:00.000+02:00

Aínda que o tempo non acompañou moito, onte fomos o xardín botánico de Lourizán , a verdade e que o sitio é precioso.Hai unha gran variedade de plantas e árbores, ademais de moitas fontes con fervenzas ,pero o que máis lles gustou de todo foi unha cova moi escura pola que puideron pasa.
Deixovos unhas fotos dos nen@s no palacio de Lourizán.

Peixes raros

2011-06-12T23:40:00.000+02:00

Falando dos peixes chegamos a conclusión de que todos non son iguais Así investigando en internet encontramos peixes raros,raros pero que moi raros,coma: peixe espada , peixe trompeta, peixe morcego, peixe esquio ,peixe profesor. peixe paiaso....... e moitos máis que nos fixeron moita gracia .

O peixe de Marta P e a tartaruga de Alex

2011-06-12T23:19:00.000+02:00

O venres trouxéronnos Marta Piñeiro e Alex outros animais a clase.
Como xa sabíamos moitas cousas das tartarugas , estudamos os peixes, viven na auga , poden ser peixes de auga doce ou salgada , teñen aletas , o seu corpo está cuberto de escamas e nacen do ovo.

O coello de Iker e o Hamster de Aldara

2011-06-09T13:01:00.001+02:00

Hoxe tivemos outra visita de dous animais o coello de Iker e o Hamster de Aldara .
Investigamos sobre eles e aprendimos que son mamíferos , teñen pelo , e catro patas.
O coello come pan e cenorias e o hamster come pipas.

A tartaruga de Nicolás

2011-06-09T12:54:00.000+02:00

Onte Nicolás trouxo ao cole a súa tartaruga , contounos que come leituga , que súa nai ás veces metena no pilón da casa.Aprendimos que ten unha cuncha moi dura , que nace do ovo e que é un reptil.

A colección de insectos de José Enrique

2011-06-08T14:23:00.002+02:00

Esta semana estivemos aprendendo moitas cousas sobre os insectos .O máis importante de todo e que para que sexa un insecto ten que ter seis patas.Aprendimos moitos nomes de insectos e puidemos observalos de cerca gracias a colección que trouxo José Enrique.

Aniversario de Aldara e Carmen

2011-06-01T12:14:00.001+02:00

Onte festexamos os aniversarios dos nenos que naceron no mes de Maio "Aldara e Carmen".

Clasificamos traballos

2011-06-01T11:35:00.000+02:00

Onte as abellas de cores axudaron á profe a clasificar os traballos que fixeron durante todo o curso dos contos que leron na casa coas súas familias.

Libro viaxeiro "Os meses do ano"

2011-06-01T10:45:00.000+02:00

Durante estes tres aniños aprendimos moitos refráns sobre os meses do ano . Aquí deixovos o libro viaxeiro que fixemos este ano e que os nen@s levaran polas vosas casas.

Os niños de José Enrique

2011-05-29T00:33:00.000+02:00

A semana pasada José Enrique trouxo á clase dous niños de paxaro que encontrou o seu pai nun tellado.

Os piratas

2011-05-22T00:27:00.000+02:00

E para rematar o proxecto dos piratas fixemos un mural no corredor do colexio , non podía faltar o barco pirata , a illa , a bandeira , o tesouro, ata Bob Esponja, e como non os doce piratas da clase das abellas de cores.

Visita á biblioteca de Sanxenxo.

2011-05-22T00:19:00.001+02:00

Que ben o pasamos na biblioteca de Sanxenxo, as bibliotecarias contáronos moitos contos .
Foi moi divertido subir e baixar todos xuntos no ascensor do auditorio.
Tomamola merenda no parque e tamén xogamos un pouquiño ata que chegou o autobús.

Teatro "Cando chove e raia o sol"

2011-05-08T22:01:00.000+02:00

A semana pasada estivemos vendo unha obra de teatro en Pontevedra , antes fomos tomar a merenda á Alameda e xogamos un pouquiño no parque,pasámolo moi ben aínda que o teatro non foi o que máis lles
gustou.

O Maio

2011-05-08T21:45:00.000+02:00

" Levántate maio,
que tanto dormiches,
pasou o inverno
e non o sentiches,
O maio maiado,
o maio do sol,
o maio das flores,
o maio do amor.
E veñen os maios
un ano tras outro
e as árbores todas
cheiñas de froitos.

Este ano os neno/as de Educación Infantil fixemos un maio todo de papel pinocho,pintaron e picaron ovos,laranxas e margaridas,todo foi algo novo para eles pero o que máis lles gustou foi meterse dentro para axudar a montalo.

Esculpindo Galiza

2011-05-08T21:12:00.000+02:00

A asociación cultural Andarela convocou o concurso "Esculpindo Galiza" co motivo das Letras Galegas.Os traballos tiñan que estar relacionados con Galicia.
O equipo de educación infantil fixemos unha maqueta da praia da Lanzada. Aos nenos/as da clase de 5anos tocounos facer os bañistas ,as toallas ,parasoles,os barcos ,os coches , o sol e as ondas do mar.

Os piratas

2011-04-27T13:33:00.000+02:00

Cantas cousas sabían xa os nenos/as de 5 anos sobre os piratas ! Aqui vos deixo o que me contaron sobre eles.
José Enrique: teñen un gancho na man.Comen o que pescan no mar.O que inventou o club de Bob Esponja é un pirata que se chama "Pachi".
Iker: van en barco.
Aldara: levan un loro no ombro e teñen unha pata de pau.Teñen poucos dentes.
Nicolás:teñen espadas.
Lorena: hai piratas malos e piratas bos.
Marta P : viven nun barco.
Coral: buscan tesouros.
Alex: levan sombreiro e teñen parche.
Tania: teñen o pelo e a barba branca.
MartaG: loitan polos tesouros.
Ainhoa: beben viño e cervexa.
Carmen: comen moito peixe.

Planetario

2011-04-27T10:29:00.000+02:00

E como no 2º trimestre aprendimos moitas cousas sobre o espazo. Para rematar o proxecto tivemos no colexio un planetario móvil.

Proxecto "As abellas".

2011-04-02T00:45:00.000+02:00

Excursión a Apípolis

2011-04-02T00:28:00.000+02:00

Educación vial.

2011-04-01T10:56:00.000+02:00

Un ano máis estivemos aprendendo e lembrando as normas de tráfico.O que mellor facíamos era respetar o semáforo e o que peor as rotondas.Pero nin tivemos multas nin nos sacaron puntos.

Felicidades "Monique".

2011-04-01T10:41:00.000+02:00

" Parabéns para Moneque" . A nosa axudante de conversa estivo de aniversario e tivo o detalle de agasallar os neno/as de 5 anos cuns ovos sorpresa que trouxo de California.Graciñas Monique.

Visita do ilustrador Abraham Carreiro.

2011-03-30T19:27:00.001+02:00

A semana pasada visitounos o ilustrador de contos " Abraham Carreiro", para ensinarnos como se fan os debuxos que aparecen en algúns dos contos que ilustra.

Enredos no patio

2011-03-29T13:19:00.001+02:00

Coa chegada da primavera o mestre de inglés dounos a clase no patio.
Mirade que ben o pasamos xogando aos enredos.

As abellas

2011-03-24T13:17:00.000+01:00

Que sabemos das abellas ?
Esta foi a pregunta coa que comezamos o noso proxectos e as respostas foron do máis variadas.
- Carmen: teñen raias.
- José Enrique: as abellas voan.
- Marta Piñeiro: son amarelas e negras e teñen patas.
- Coral: pican á xente.
- Nicolás: teñen la e fan beeeeee.
- Aldara: pican.
- Lorena:van polas flores e pican.
- Tania:voan.
- Iker: teñen raias.
- Marta G : teñen mel.
- Ainhoa: viven nun niño.
-Alex: van a recoller néctar.

E como xa aprendimos moitos sobre as abellas o vindeiro xoves día 31 imos de excursión a "Apipolis" para ver todo o mundo das abellas en vivo e en directo.

O entroido .

2011-03-09T17:27:00.001+01:00

Xa que este ano é o ano internacional dos bosque, aproveitamos a festa do entroido  para disfrazarnos deste tema.
Tanto as bolboretas laretas , as xoaniñas e as abellas de cores convertíronse en vagalumes do bosque .
Pasámolo xenial e estaban todos guapisimos.
Despois do desfile tocou repoñer forzas cos doces típicos que trouxeron  os nenos/as da casa ,estaba todo boísimo. Aproveito tamén para dar as gracias a tódalas  familias que axudaron a facer os disfraces .
A experiencia foi moi positiva .
Non esquezades que o xoves pola tarde as nenas e nenos poden vir disfrazados de casa  para xa rematar estes días de troula.

Doctor Nicolás ten unha paciente na clase de 5 anos.

2011-03-03T13:58:00.003+01:00

E non porque estemos no entroido disfrazámonos, xa que durante todo o ano temos o baúl cos nosos disfraces. É unha das cousas que máis lles gusta facer.

Hoxe tocoulle ser o doctor a Nicolás, outro día é pirata, policia ou papá. Estivo no seu papel aínda que a enferma, Tania, tampouco estivo nada mal.
Mentres Aldara detrás agarda o turno co seu fillo para peitearse no salón de peiteado.

Mércores" zapatos diferentes"

2011-03-02T23:23:00.001+01:00

Xa queda menos para chegar ao venres e nótase certo nerviosismo no ambiente do colexio. Risas e diversión coas cousas que traemos día a día mandados polo "Mandadiño".
Non esquezades mañá xoves levar unha prenda rechamante.

E hoxe que toca ?

2011-03-01T17:17:00.000+01:00

E recorda , recorda , o entroido está á porta .
Comezamos a semana grande do entroido 2011.
Cada día levaremos á escola algo diferente en distintas partes do noso corpo.
Luns: algo na testa.
Martes: algo no pescozo.
Mércores:un zapato diferente en cada pé.
Xoves: unha prenda rechamante.

Visitamos Cambados.

2011-02-24T10:34:00.004+01:00

Que ben o pasamos paseando por Cambados.
O primeiro que visitamos foi a casa do pescador (no barrio de San Tomé), despois fomos paseando ata a torre de San Sadurniño. Unha torre feita para defender a ría dos ataques vikingos. O que máis lles gustou foi cruzar a ponte para ir ata a torre.
E despois de tanto camiñar había que repoñer forzas e tomar a merenda .
Aproveitando o tempo vimos unhas mariscadoras que ían á ribeira a traballar.
Estivemos falando con elas sobre o duro que era o seu traballo.
E para rematar a mañá fomos ver un lavadoiro para ver como lavaban antes de ter lavadoras na casa.

Unha fiestra aberta ao mundo.

2011-02-23T00:12:00.002+01:00

Que interesante é todo visto dende unha pantalla xigante

( pizarra dixital) aberta ao mundo a través de internet .E moito máis atractivo é para @s nen@s poder interactuar cun lápiz máxico co que se poden facer gran cantidade de cousas diferentes.

Os planetas

2011-02-22T23:44:00.002+01:00

Unha das actividades que fixeron hoxe @s nen@s de 5 anos foi escribir o nome dos oito planetas , pensando e mirando polos carteis que puxo a profe pola clase.Non hai dúbida que os aprenderon moi ben .

Xogamos ao "Bingo".

2011-02-18T15:44:00.002+01:00

Onte pola tarde despois da merenda xogamos "o bingo", sin cartos por suposto.
Pasámolo moi ben!
Marta G. foi a encargada de cantar os números e Nicolás foi o primeiro en cantar bingo.
Este xogo é unha forma moi divertida e entretida de recoñecer os números.

Que é estar namorado para ti?

2011-02-15T23:42:00.002+01:00

Onte, 14 de febreiro, día dos namorados e da amizade, aproveitei para preguntarlles @s nen@s da clase das abellas de cores :
- Que é estar namorado?, as respostas foron do máis diversas e simpáticas.
Para rematar de reflexionar conteilles o conto "Namorados" e despois de moito pensar e pensar chegaron ás seguintes conclusións.
Aldara: -Namorarse é dar agarimos,achuchóns e amor, é coma un raio que te atravesa.
Tania:- Tes un noivo e daslle bicos.Namorarse e amor.Estás flotando.
Lorena:-Que te quero con todo o meu corazón.Un cando está namorado volvese tolo.
Marta G:- Namorarse é darse bicos.
Carmen:-Bicarse e volveste un pouco pesado.
Marta P: - Namóraste e das apertas.Namóranse homes e mulleres.
Iker:- Que te casas.Quedas mudo.
Alex:- Namóranse nos contos principes e princesas.Namórarse é ter bebés.
Coral:- Darse bicos.
Nicolás:- Bicar e querer moito alguén.
José:- Caerse.Quérote.
Ainhoa:- Namorarse é coma un anxo.Quérote moito.
O final de todo fixemos unha tarxeta cunha poesía preciosa de "Gloria Sánchez "pedirlle aos vosos fill@s que vola reciten xa que a aprenderon todos de memoria.

Kandinski.

2011-02-07T12:39:00.004+01:00

Hoxe pola tarde estivemos mirando en internet cadros do pintor ruso" Kandinski".Despois presenteilles un cadro e tódolos nen@s deron a súa opinión .Houbo de todo,desde que eran planetas,pompas,rodas,pelotas,moedas,naves redondas,ollos,narices,etc...Como vedes imaxinación non faltou.

A paz reside no corazón de quen a practica.

2011-02-03T13:32:00.001+01:00

O día 31 de xaneiro foi o día da paz.No colexio de Noalla - Telleiro celebrámolo o luns cunha " Marcha pola paz", e que mellor sitio que na praia da Lanzada.Aqui déixovos a nosa pomba da paz e algunhas fotos deste marco incomparable.

Que ben o pasamos !

2011-02-03T10:53:00.001+01:00

Xa comezamos a cumprir seis aniños , onte festexamos o aniversario de Marta Piñeiro e pasámolo moi ben , o final da festa tivemos piñata no patio.

Os mércores "Obradoiros".

2011-01-21T18:09:00.002+01:00

Neste 2º trimestre comezamos cos obradoiros.Tódolos mércores traballaremos nos obradoiros de cociña , danzas , barro e horta.
Pasámolo moi ben, fixemos figuriñas de barro, cociñamos biscoitos de chocolate , preparamos a  terra   para sementar e danzamos ó ritmo do bugui-bugui,dos esqueletos e aprendimos a danza do " Cu, cu, cucuchi".

Impresionantes " pop up".

2011-01-21T16:55:00.002+01:00

Hoxe venres tivemos un obradoiro moi interesante " o arte do pop up", como facer imaxenes tridimensionais con papel.Os nen@s de infantil fixemos unha tarxeta con unha xoaniña . Quedounos preciosa.Graciñas a Fabián por ensinanos o arte dos "pop up".

O espazo

2011-01-20T14:01:00.002+01:00

Xa despegamos rumbo o espazo . O primeiro que fixemos foi contar o que cada neno/a sabía . Aquí deixovos a conversa que tivemos , que non ten desperdizo.
      Profe: Que   cousas hai no espazo?
- Iker : hai meteoritos.
- Lorena: hai extraterrestres.
- Aldara: está a lúa.
- Ainhoa : No ceo hai estrelas.
- José Enrique: hai moitos planetas , son azuis,verdes, marróns....
-Lorena: os planetas son mundos.
- Iker: hai dúas luas.
- José Enrique: unha cortada pola metade e outra redonda.
-Tania: e quen a corta?
- Aldara: cortana os raios do sol.Tamén hai naves negras.
- Marta G : para ir á lúa temos que ir en naves.
- Ainhoa: no ceo hai sol e vento.
- Lorena: tamén hai unha nube.
- Aldara: unha non , máis ca unha.
- Carmen : as nubes fan chuvia.
- Tania: os fogos artificiais chegan ó ceo.
- Marta P: o sol dá calor .
- Aldara: para subir ó ceo temos que levar salvavidas e cascos de aire para respirar.
- Iker : os papaventos suben ó ceo.
-Aldara: os globos tamén.
-José Enrique: nos planetas viven extraterrestres e son bólas redondas.
- Nicolás : tamén hai astronautas.
        Xa vedes todo o que sabian do espazo .

Ordeando frases.

2011-01-13T14:00:00.001+01:00

Xa comezamos a ler palabras e a ordear frases sinxelas.

Cargadiños de xoguetes

2011-01-11T19:14:00.005+01:00

- Quen foi ? : Melchor , Gaspar ou Baltasar .
Non sabemos , o que si sabemos é que foron moi xenerosos cos nen@s do Ceip Noalla - Telleiro.
Trouxeron de todo: bakugan,bly - bly, contos, batman ,bonecas , casiñas,etc...

Festival 2010

2011-01-11T18:49:00.002+01:00

     Este ano os nen@s de Educación Infantil representaron un conto tradicional " Branca de neves".
Que ben o fixeron tod@s .Para o ano que vén preparade as maletas que marchamos de xira.

Bo Nadal para todos

2010-12-21T22:50:00.001+01:00

Os nenos/as da clase das abellas de cores desexámosvos un Bo Nadal e un ano 2010 cheo de saúde , esperanza e felicidade.

Refrán:" Cunha sopa é un bo abrigo Decembro está vencido".

2010-12-14T23:43:00.005+01:00

Ó longo destes tres cursos os nen@s da clase das abellas de cores aprenderon moitos
refráns sobre os meses do ano.
Este curso estamos a facer un libro viaxeiro.Déixovos os refráns que fixemos no 1º trimestre.

Refrán: "Polo San Matiño mata o teu porquiño".

2010-12-14T23:37:00.006+01:00

Refrán: "No Pilar buxainas a bailar".

2010-12-14T23:22:00.004+01:00

Refrán :" En Setembro colle o viño e non durmas polo camiño".

2010-12-14T23:08:00.006+01:00

Ho Ho Ho Ho. Bo Nadal

2010-12-13T23:23:00.005+01:00

Falta moi pouco para que chegue o Nadal e con él Papá Noel e os Reis Magos.
No noso colexio tamén temos xa todo preparado, o Belén, a árbore de Nadal, unha entrada bonita e un corredor precioso que quedou así gracias ás familias que unha vez máis sorprendéronnos cos adornos de Nadal que decoraron con gran creatividade .

Adiviña quen son?

2010-11-23T12:18:00.001+01:00

Xa para rematar o proxecto do corpo, chegamos a unha conclusión: "aínda que todos somos iguais, tamén somos diferentes, téndonos que respectar uns aos outros", e que cousa mellor que facer un autoretrato onde
observamos o diferentes que somos.

Castañas quentiñas

2010-11-18T23:46:00.001+01:00

Hoxe festexamos na escola "o magosto" pasámolo moi ben, cantamos, bailamos, xogamos e comimos moitísimas castañas ademais dunha gran variedade de froitos de outono que trouxeron @s nen@s.

Magosto

2010-11-17T23:44:00.002+01:00

Mañá 18 de novembro festexaremos o magosto.
Xa temos todo preparado, as bolsiñas para meter as castañas, os xogos e os froitos secos que trouxeron os nen@s da casa para degustar, graciñas as familias pola vosa colaboración.

Cestas de froitos

2010-11-13T17:10:00.002+01:00

Xa temos listo o mural do "outono",que variedade de froitos todos riquísimos .As abellas están voando
arredor deles desexando probar todos .

Os froitos

2010-11-12T12:08:00.000+01:00

Xa estamos traballando "os froitos do outono", tanto os secos coma os carnosos. Aproveitando o tema fixemos un mural para a nosa clase. Primeiro coloreamos : castañas, landras, améndoas, noces, mazás, peras e uvas, despois botámoslles alkil para que brilen, recortámolas e por último clasificámolas en cestas de froitos preto da nosa maceira.

A leira do millo

2010-11-11T23:13:00.000+01:00

Este outono os nenos/as de infantil xa comezamos a decorar o noso corredor do colexio. Aqui está o mural que titulamos " A leira do millo" co noso espantallo amigo,coidando as espigas de millo dos corvos.

Os ósos

2010-11-11T23:02:00.001+01:00

Xa estamos chegando o final do proxecto" O meu corpo".Aprendimos moitisimas cousas tanto dos órganos internos,órganos externos ,do esqueleto e localizamos diferentes ósos na cabeza,no tronco e nas extremidades, e o mellor de todo foi que o aprenderon sen darse conta, xogando, cantando, movéndose e divertíndose.

Poesía do outono

2010-11-06T00:15:00.002+01:00

O vindeiro día 11 de novembro ( se non chove) festexamos no colexio " O magosto".
Aqui vos deixo a poesía que aprenderon os nen@s de infantil .

Murais

2010-11-05T23:51:00.001+01:00

Un ano máis decoramos o mural da entrada do colexio.
O tema elexido foi " Os meses do outono", os nen@s de educación infantil fixemos setembro coa " volta á escola".
Os alumn@s do primeiro ciclo de primaria fixeron o mes de outubro co " samaín " e a " vendima".

Buxainas

2010-11-05T23:35:00.002+01:00

"Polo San Martiño , trompos ó camiño"
Xa temos expostos na entrada do colexio de Noalla os traballos que fixeron os nenos/as dos colexios do concello de Sanxenxo.
Estarán expostos ata o mércores, podedes pasar a velos .

Uuuuuuh que medo !

2010-10-30T01:33:00.001+02:00

Chegaron a Noalla pantasmas, bruxas, esqueletos, demos, morcegos e zoombis.
Enteráronse que había unha festa no colexio e non quixeron perdela. Pasámolo de "medo". Bailamos, cantamos a canción dos pantasmas e xogamos no patio.
O máis divertido foi coller rosquillas coa boca pero sen axuda das mans.
Rematámola tarde entregando os premios ás cabazas máis orixinais e ao disfraz máis creativo.

Os ósos do noso corpo

2010-10-30T00:34:00.002+02:00

Cantas cousas estamos a aprender.
Xa sabemos como se chaman os ósos das extremidades superiores e inferiores coa axuda da canción de Migallas "Coa cabeza eu podo pensar"...
E coa axuda do esqueleto "Pepe" aprendemos todos estos nomes cantando, baillando e xogando sen darnos conta.
Agora estamos aprendendo os ósos que temos no tronco.

Visita ao acquarium

2010-10-29T23:50:00.003+02:00

A semana pasada os nen@s de infantil fomos ó acuario do Grove, onde vimos moitos peixes coma sargos, corvelos, jureles, pintos, robalizas etc...Pero o que máis admiradores tivo foi o tiburón.
Contáronnos algunhas cousas curiosas deles coma que non durmen case nada, os seus sonos duran o que tardan en abrir e pechar os ollos, dous segundos.

Outono

2010-10-24T23:48:00.019+02:00

Como di o refrán "No Pilar, buxainas a bailar".
Un ano mais os colexios do concello estamos preparando o concurso de trompos, este ano toca no colexio de Nantes.
Non sei si sabedes que tódolos anos realizase unha exposición itinerante polos centros escolares do concello cos traballos que fixeron os alumn@s.
Este ano os nen@s de educación infantil do cole de Noalla fixeron unha buxaina tipo trofeo. Aqui deixovos outro traballo que fixeron os nen@s de 3º de primaria do noso cole.
Xa a veredes cando toque a exposición no colexio de Noalla.

O noso corpo

2010-10-21T22:59:00.004+02:00

Xa temos a nosa bilioteca de aula chea de información sobre o corpo.Gracias ás familias que aportaron libros,contos,revistas , recortes de imaxenes,etc..Mirade que entusiasmados están descubrindo tódalas cousas que temos dentro do noso corpo